بشرى: الناس بتقولي مبتعزمناش ليه قال يعني مهرجان الجونة بيت أبويا

استنكرت الفنانة بشرى، رد فعل بعض نجوم الوسط الفني جراء عدم تلقيهم دعوة لحضور الدورات السابقة من مهرجان الجونة، حينمات كات تترأسه.

وقالت بشرى في مداخلة هاتفية ببرنامج «قعدة ستات»، المذاع عبر قناة «القاهرة اليوم»: «الناس كانت بتقول بشرى مبتعزمناش ليه، قال يعني مهرجان الجونة بيت أبويا مش بشتغل فيه».

أما عن انتقاد النقاد الفني طارق الشناوي لها أثناء توليها رئاسة الدورات السابقة من مهرجان الجونة، قالت: «طارق الشناوي عمره ما انتقدني وأنا رئيس المهرجان، وأنا بتوقع من أي حد أي حاجة طول الوقت، عشان كده ماشية بمبدأ سيري يا نورماندي، مهما حصل مبقفش، لكن هو زميل ومعايا في كذا لجنة تحكيم، ولكن مبنتظرش منه مدح يعني».

تعليق بشرى على هجوم طارق الشناوي

كما ردت الفنانة بشرى على هجوم الناقد الفني طارق الشناوي، على طاقم عمل فيلم «أولاد حريم كريم»، وبالأخص انتقاده اللاذع للفنان مصطفى قمر، ووصفه بـ «المطرب الفاشل».

وأوضحت أن الفيلم يجمع بين النوستالجيا والجيل الجديد، مشيرة إلى أن الكواليس مع المخرج علي إدريس مختلفة ومميزة، مردفة: «واسألوا الشباب الجديد اللي اشتغل مع فنانين عندهم خبرة حسوا بألفة ولا الناس مستغربة حالة الحب اللي موجودة في العمل، وده قليل لما بيحصل في الوسط بتاعنا».

وأكدت أن هناك بعض النقاد آراؤهم انطباعية وليست تحليلية بشكل علمي، لذلك يدرك الجمهور أنهم لم يشاهدوا الفيلم وينتقدون لمجرد الانتقاد فقط، مضيفة: «الحمدلله ردود الفعل عند الجمهور حلوة جدًا، أصل ده فيلم مهرجانات ولا صوت يعلوا فوق الجمهور هو اللي بيحدد، الفيلم جماهيري، مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم ولا يقتصر مجهود الفيلم في شخص واحد، عيب في ناس ورا الكاميرا أشتغلت وعمُال كمان».