بشرى ترد على هجوم طارق الشناوي: من أمتى بتمدح حاجة

ردت الفنانة بشرى على هجوم الناقد الفني طارق الشناوي، على طاقم عمل فيلم «أولاد حريم كريم»، وبالأخص انتقاده اللاذع للفنان مصطفى قمر، ووصفه بـ «المطرب الفاشل».

وأوضحت بشرى خلال مداخلة هاتفية ببرنامج «قعدة ستات»«القاهرة اليوم»، أن الفيلم يجمع بين النوستالجيا والجيل الجديد، مشيرة إلى أن الكواليس مع المخرج علي إدريس مختلفة ومميزة، مردفة: «واسألو الشباب الجديد اللي اشتغل مع فنانين عندهم خبرة حسوا بألفة ولا الناس مستغربة حالة الحب اللي موجودة في العمل، وده قليل لما بيحصل في الوسط بتاعنا».

تعليق بشرى على طارق الشناوي

وأكدت أن هناك بعض النقاد آرائهم انطباعية وليست تحليلة بشكل علمي، لذلك يدرك الجمهور أنهم لم يشاهدوا الفيلم وينتقدوا لمجرد الانتقاد فقط، مضيفة: «الحمدلله ردود الفعل عند الجمهور حلوة جدًا،أصل ده فيلم مهرجانات ولا صوت يعلوا فوق الجمهور هو اللي بيحدد، الفيلم جماهيري، مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم ولا يقتصر مجهود الفيلم في شخص واحد، عيب في ناس ورا الكاميرا أشتغلت وعمُال كمان».

وأكدت أنها لم تفكر قط في عتاب «الشناوى»، بالرغم من الزمالة بينهما، قائلة: «مفكرتش أكلمه ولا ألومه ومن أمتى وهو بيمدح أاساسً أى عمل ، أنا عندي مبدأ في الحياة اسمه" سيري يا نورماندي" ، مهما حصل مبقفش ،لكن هو زميل ومعايا في كذا لجنة تحكيم، ولكن مبنتظرش منه مدح يعني».