محمودبدر لـ«الطنطاوي»: من صاغ ضمانات الانتخابات.. أيمن نور أم مخابرات أجنبية؟

قال النائب محمود بدر عضو مجلس النواب في بث مباشر علي صفحة «الجمهور»، موجهًا عدة أسئلة ورسائل إلى المرشح الرئاسي المحتمل أحمد الطنطاوي، وقال النائب " أحمد الطنطاوي إنه منع من الدخول من مباراة مصر وإثيوبيا».

وتابع بدر، أن «أي مشجع للكورة يعرف الإجراءات أن الدخول من خلال الفان أي دي، وهذا الأسلوب متبع من خلال شركة تذكرتي من أكثر من سنة».

هل تم التنسيق بين أحمد الطنطاوي وأيمن نور بـ"لبنان"

أما عن الحديث عن التقاء أحمد الطنطاوي بـ أيمن نور بلبنان فقال النائب «مش دا الموضوع اللي تفتكر إنه هيشغلنا عن القضية الرئيسية، كان المفروض انهارده تطلع تكلمنا عن الكلام اللي قاله أيمن نور علي قناة الشرق وإنه قابلك في لبنان وتم التنسيق بينكوا، مش ماتش الكورة اللي إحنا قاعدين مستنيين تطلع تكلمنا عنه في الوقت الحالي».

افتعال الأزمات من قبل المرشح أحمد الطنطاوى من أجل الشو

عن عدم دخوله المباراة تحدث النائب«انت رايح تفتعل أزمة بلا هدف، خصوصًا أن القوانين بتمنع الدخول إلا من خلال إجراءات معلن عنها».

وشن عضو مجلس النواب الهجوم علي المرشح الرئاسي قائلا«احنا محتاجين شفايفة عن لقاء لبنان، يا مرشح الشفافية، يا شفاف، بما إنك عاوز رئيس الجمهورية يبرر كل حاجه بتحصل، المصريين محتاجين يعرفوا انت قابلت أيمن نور في لبنان ليه؟، كلمت أيمن نور في إيه؟، اتفقت أنت وأيمن نور على إيه؟».

هل أحمد الطنطاوي جزء من معارضة الخارج التي تأكل من أيدي المخابرات الخارجية؟

ووجه النائب سؤال للمرشح الرئاسي أحمد طنطاوي، هل أنت جزء من المعارضة بالخارج بمقابلتك لأيمن نور، هل أنت جزء من الخونة اللي بتاكل من إيد المخابرات الخارجية، البريطانية أو الأمريكية، لتشويه الدولة المصرية، إيه الللي اتفقتوا عليه مع أيمن، محتاجين تطلع تقولنا أنت اتفقت بالظبط مع أيمن نور؟».

مصادر تمويل اللجان الإلكترونية التي تدعم أحمد طنطاوي؟

أما عن اللجان الإلكترونية، قال«من كام يوم نزلت فيديو كان في 12 ألف واحد داخل يشتم ويدعم أحمد طنطاوي، مفيش حد بيرد علي أي سؤال»، وتساءل النائب عن مصدر تمويل هذه اللجان قائلا، «مين اللي بيصرف علي اللجان الإلكترونية، ولا أيمن نور بيجاملك بالكتائب اللي بيتشغل لهدم الدولة المصرية».

ضبابية حول مصاريف الحملة الانتخاباية

ووجه النائب سؤالا عن مصدر تمويل اللجان الإلكترونية،«انت يا أحمد يا طنطاوي لما اتسألت قبل كدا عن مصادر التمويل قولت الأسرة اللي بتتكفل بالمصاريف، فهل الأسرة وبابا وماما هم الي بيصرفوا، ولا جماعة الإخوان اللي فاتحة قنواتها ليك ولدعمك، قنوات الإخوان بتهد في البلد وتبني في أحمد طنطاوي».

هل الضمانات التي قدمها أحمد طنطاوي للهيئة الوطنية للانتخابات من وضعها أيمن نور؟

وسأل النائب أحمد الطنطاوي «أيمن نور قال إنه ناقش معاك الضمانت للنتخابات الرئاسية، فهل يا أحمد يا طنطاوي الضمانات دي اللي أيمن نور ناقشك فيها، هل المخابرات الخارجية هي اللي وضعت الضمانات التي تقدمت بها».