في ذكري ميلاده، قصص طريفة من حياة الفنان محمد إمام

يحل اليوم ذكري ميلاد الفنان محمد إمام، الذي ولد في 16 سبتمبر 1984، الذي تميز بخفة دم وقدرة على التقليد ممزوجة بشقاوة غير طبيعية، واستطاع سرقة الأضواء من والده بالرغم من قلة سنين خبرته، كما وضع اسمه في مصاف نجوم الصف الأول سواء في السينما أو الدراما، ويعرض لكم موقع الجمهور في السطور التالية مواقف طريفه من حياة محمد إمام..

محمد إمام يتعرض لموقف طريف بسبب ابنته خديجة

كشف الفنان محمد إمام خلال لقائه ببرنامج " ETبالعربي عن أطراف مواقف في حياته، قائلا: "الواحد حياته اختلفت 180 درجة بعد ما خلفت، وحسيت بالمسئولية، وبقيت أفكر عندي كام في البنك، وحياتي اتحولت، بقيت بشوف ألعاب خديجة أكتر ما بشوف أهلي وصحابي، وأول ما بصحى من النوم بلاقي نفسي دايس على حاجة برجلي بسببها".

محمد إمام يتعرض لموقف طريف يوم ولادة ابنته

وأضاف محمد إمام: "يوم ولادتها، فالولي هتدخل معاها العمليات قولتلهم لأ .. هي لما تولد قولولي أدخلها وأول ما دخلت على مراتي أوضة الولادة أعطوني خديجة وهي بتعيط، وكانت من اللحظات الغريبة في حياتي، واتأثرت جامد وقتها.. وفي عز ما أنا متأثر.. لقيت الدكتور بيقولي عايزك ثانية واحدة، قولتله (إيه يا دكتور؟)، قالي هوجان كان هايل.. قولتله (احنا في إيه ولا إيه يا دكتور، أبوس إديك.. قالي (أصل البيت والعيال عندي طايرين بهوجان.. اطمن مفيش حاجة كله تمام".

محمد إمام يروى موقف طريف حدث له مع جاره

روى محمد إمام، عبر حسابه علي إنستجرام، عن موقف حدث له مع جاره، كتب: "إمبارح وأنا مروح قابلت جارنا، راجل لطيف جداً، وكان شايل طفل عمره سنتين تقريباً، علاقتي بجاري عبارة عن سلامات بس في الطالعة و النازلة..المهم قلت ابقى لطيف المرة دى معاه ليقولوا عليا تنك.. قولت له أخبار حضرتك ايه .. قالي الحمد لله .. قولتله مين الولد الأمور ده .. قالي ده عريس خديجة.. أنا فجأة لقيت الدنيا ضلمت في وشي و دوخت ومش عارف أخد نفسي.. ومش فاكر أنا رديت عليه ولا أيه اللي حصل ساعتها .. كل اللي فاكره أن أنا أول مادخلت البيت قررت اني مش هسلم على الجيران تاني ربنا يستر على الواحد من اللي هيشوفه، الصورة ملهاش علاقة بالموقف، بس تقريباً ده كان تعبير وشي لما الراجل قالي كده ".

الزعيم يروي مواقف طريفه مع ابنه محمد إمام

تحدث عادل إمام في لقاء قديم مع برنامج "ليلتي"، عن مواقف طريفة جمعته بمحمد في مرحلة الطفولة، موضحًا أنه كان يذكره بنفسه عندما كان صغيرًا، كما أن بعض المدرسين اشتكوا منه بسبب شقاوته، وهو ما كان يدفع عادل إمام للضحك.

تابع موقع الجمهور من خلال (يوتيوب) اضغط هــــــــــــنا

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية ، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، الأخبار، الاقتصاد، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.