محمد عبدالعظيم: الفنانون المصريون رواد المسرح في المنطقة العربية

أكد الفنان محمد عبدالعظيم، أن المسرح المصري يشهد حاليًا انتعاشة قوية، مشيرا إلى أن العروض المسرحية التي تقدم خلال الفترة الحالية على مستوى عال من الجودة، مستشهدًا بمسرحية «تشالي تشابلن».

وقال «عبدالعظيم» لـ «الجمهور»: «المسرح هو الجامعة الحقيقة للممثل مش بس للناس، ومستوى العروض اتحسن بشكل غير عادي، وعرض تشارلي تشابلن على مستوى عالمي، وده مش جديد علينا لأن المسرح إحنا اللي بدأناه في المنطقة العربية والمفروض البساط ميتسحبش مننا، والأصول عندنا إحنا».

مهرجان المسرح التجريبي

وكشف عن تجربته في الدورات السابقة من مهرجان القاهرة للمسرح التجريبي، قائلًا: «المهرجان التجريبي مش جديد علينا بقاله 30 سنة من وإحنا صغيرين أوي كنا بنتابعه وبنلف القاهرة على رجلنا من مسرح لمسرح، وبنتفرح على ثقافات مختلفة وعروض مستواها هايل، وزمان العروض كان مستواها حلو أوي ويارب ترجع تاني لنفس المستوى ده».

أما عن السبب وراء شكوى عدد من النجوم خلال الفترة الأخيرة من «الشللية»، قال:«أنا شخصيًا ماليش علاقة بالموضوع ده ولا عمري كنت في شللية لأني ظهرت على كبر وقبل كده كنت في الهواة».

وأضاف: «ولكن أعتقد أن الجيد بيبقى ولو أنت ممثل كويس هتطلب، ومعرفش أنا اطلبت في السن ده ليه بس هي فيها نسبة من الحظ والرزق وكل شيء في الآخر نصيب ورزق من ربنا».