شيماء سيف : «اللبس الرسمي للبنات بيبين أكثر ما بيستر»

نشرت الفنانة شيماء سيف منشور علي صفحتها الشخصية بموقع التواصل الاجتماعي «إنستجرام» عبرت فيه عن استيائها من ارتداء البنات للمايوه في كل مكان وليس علي البحر فقط قائلة في المنشور:

«خلاص الصيف بيخلص لكن للأسف آثاره مكملة .. طول عمرنا بنطلع علي البحر ونشوف أشكال وألوان من المايوهات ولكن السنة دي العري فاق الوصف ..المايوة بقي يتلبس في كل مكان مش علي البحر بس، توب المايوة (اللي في نظري جزء من الملابس الداخلية و ده أكثر وصف مؤدب أقدر أقوله) بقي اللبس الرسمي للبنات وفوقه كاش مايوه بيبين أكثر ما بيستر».

وأكملت متسائلة: "هي البنات دي مالهاش أب أو زوج أو أخ قلبهم ياكلهم عليهم والدم يجري في عروقهم؟؟؟... فين نخوة الرجالة، فين حياء البنات، والمصيبة أن كل الأعمار وكل الأحجام مش بتفرق الموضوع زاد أووووي تحت مظلة أنه بلاش body shaming وكلام فاضي، ال body ده المفروض نحافظ عليه مش نمتع غيرنا بيه الغلط غلط ولو كل الناس عملوه... الغلط غلط ولو أصبح عادة للكل..هفضل أقول ده غلط حتي لو كنت لوحدي اللي بقوله".

وقالت سيف أيضًا: "العري مظهر من مظاهر التخلف الفكري واللي فاكر إنه تحضر ماشي وراء القطيع بدون وعي، فين الحياء والعفة والخجل والخصوصية؟؟ وبالنسبة للي عنده أولاد صغيرين وبيسألوا هي ليه البنت دي لابسه كده يا ماما؟ كل شيء بقي مباح كده للناس كلها؟ ".

وأنهت المنشور داعية: "ربنا يستر علينا جميعًا ويهدي البنات والأولاد ويشوفوا الغلط غلط مهما كتر، ربنا أرنا الحق حق وارزقنا اتباعه وأرنا الباطل باطل وجنبنا اتباعه".