بسمة وهبة: «علياء بسيوني بتبكي في السيدة زينب.. وربنا يهديك يا أحمد»

روت الإعلامية بسمة وهبة، تفاصيل موقف جمعها مع مصممة الأزياء علياء بسيوني، طليقة الفنان أحمد سعد، مؤكدة أنها تمر بحالة نفسية سيئة بعد انفصالها عن أبو بناتها، وتزور مسجد السيدة زينب لتفريج همها.

وقالت «وهبة» في منشور عبر حسابها الرسمي بموقع تبادل الصور والفيديوهات «إنستجرام»: «من عجائب الأقدار إني أروح أصلي المغرب في مسجد ستنا زينب النهاردة، ألاقي قدامي واحدة لابسة عباية بيضا جميلة ساجدة بتبكي وبتدعي، وشبّهت عليها لقيتها علياء بسيوني».

وأردفت: «الله يتقبل منك وييسر لك الخير يا عالية، واتأكدي إنك هتطلعي من عند أم العواجز مجبورة الخاطر، وتقبل الله صلاتك ودعائك.. والله يهديك يا أحمد.. علياء أم بناتك، متستاهلش منك كدة».

طلاق أحمد سعد

وكانت قد أعلنت مصممة الأزياء المصرية علياء بسيوني، عن طلاقها من المطرب أحمد سعد بعد إنجاب ابنتهما الثانية، عبر خاصية «استوري» بحسابها الرسمي بموقع التواصل الاجتماعي «إنستجرام».

وكتب: «الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله غير الطيب ومعدنه السيئ وحابة أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي».

وأردفت: «وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك».

واختتمت: «أكبر شكر على المقلب اللي أنا أخدته في العلاقة دي واللي كنت فاهمة إن ليها قيمة ببني وبضحي وبتنازل عشانها، وأنت طلعتها ولا تسوى، وربنا معايا أنا وبناتي في اللي جاي وينتقم منك ويديلك على قد كل حاجة حصلت».