ميدو: الدوري المصري «تعبان» واللاعيبه بتروح لـ«حلاق» واحد

انتقد الإعلامي أحمد حسام ميدو، الدوري المصري، ولاعبي الفرق المصرية، وأكد على رغبته في مقاطعة الكرة المصرية.

وكتب «ميدو»، عبر حسابه الشخصي على موقع التواصل الاجتماعي«إكس»: «والله العظيم نفسي أقاطع الدوري المصري ده كورة تعبانه وملاعب تعبانه ونقل تليفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!!»

ميدو عبر إكس

في سياق متصل، علق الإعلامي أحمد حسام ميدو، على اختيار وزير الشباب والرياضة، دكتور أشرف صبحي، لـ اختياره عماد البناني مديرًا تنفيذيًا لنادي الزمالك.

وكتب ميدو عبر تطبيق«إكس»: «أحسن قرار اخذه الوزير انه جاب راجل من بره النادي خالص يدير دلوقتي لا تبع ممدوح ولا تبع مرتضى دوره مسير اعمال ويدعوا للانتخابات فقط».

واصل لاعب الزمالك السابق: «طالما هتيفة ممدوح ومرتضى بيشتموه يبقى راجل ١٠٠ ١٠٠..معظم اللي كانوا في النادي امبارح دول هتيفة اونكل ممدوح.. ومعظم اللي بيشتموه على السوشيال ميدياهتيفة أونكل ممدوح».

وأختتم أحمد حسام: «سيبوا النادي ينظف ادوا الفرصة لاي حد يدير لغاية الانتخابات وييجي مجلس محترم يدير النادي..والله عمري ما قابلت البناني ولا شوفته ولا اتكلمت معاه لكن هو الراجل المناسب دلوقتي واحسن قرار اخذه الوزير لصالح الزمالك انه جاب راجل من بره النادي».