جيهان قمري عن ياسمين صبري: «مشوفتلهاش دور قولت واو عليه»

كشفت الفنانة جيهان قمري، رأيها في تمثيل الفنانة ياسمين صبري.

وقالت جيهان، في تصريحات تليفزيونية: «ياسمين قمر وشكل يجنن وموديل تحفة وأيقونة جمال فعلا حد حلو قوي بس مشوفتلهاش دور قولت واو عليه ده حقي إني أقول ده عاجبني ولا معجبنيش واللي يزعل يزعل واللي يتقمص يتقمص.. مش جامدة هي، لا أنا شايفة إن هو هو شغلها من أول عمل لغاية أخر حاجة عملاها هي نفس الحاجات».

وأضافت: «بتمنى لها بجد إن هي تكون حد جامد زي ما هي على السوشيال ميديا.. أنا عملالها فولو أصلا وبتفرج عليها ومن معجبينها لأن أنا بحب شكلها لما ببصلها ببقى سعيدة وأنا بحب الحاجة الحلوة.. ناس تانية بتشوفها ممثلة كويسة وإن أنا اللي مش كويسة دي أراء».

يذكر أن أخر أعمال جيهان قمري الفنية مشاركتها في مسرحية "نجوم الظهر" مع الفنان الكبير محمد صبحي والمسرحية من تأليفه وإخراجه.