أيمن بهجت قمر: «عشت لوحدي وأنا عمري 16 سنة وجيراني دلعوني»

كشف الشاعر الغنائي أيمن بهجت قمر، عن تجربته العيش وحيدًا وهو بعمر 16 عاما وعن علاقته بوالدته وخاله وأنه رفض استكمال حياته مع والدته وقرر العيش منفردًا بعيدًا عنها وكان دائمًا الجيران يقومون بمساعدته وإعداد الطعام له.

وقال أيمن بهجت قمر خلال تصريحات تليفزيونية: «تمردت على أمي بعد وفاة والدي لأني مكنتش متعود أعيش معاها، وهي كانت عايزة تربيني تاني وأنا كبير، قلتلها عايز خالي يبقى وصي عليا، وهعيش لوحدي، كنت 16 سنة، وجيراني دلعوني ومسابونيش».

وتحدث عن المواقف التي عايشها مع والده ومنها مع الفنان حسن مصطفى: «استخبيت تحت السرير من حسن مصطفى، وكنت طفل، وكان بيتخانق  مع أبويا ويزعقلي عشان أنام  بدري وأروح المدرسة، وكنت بفضل قاعد لحد الساعة 1، ولقيت أستاذ حسن بيخبط فدخلت استخبيت تحت السرير وسمعت بلاوي الوسط الفني كلها، وهما فكرين إني نمت وفجأة طلعتلهم قالولي إنت سمعت إيه؟».

حقيقة انفصال أيمن بهجت قمر

وكانت شائعة انفصال أيمن بهجت قمر عن زوجته قد انتشرت بقوة الفترة الماضية، وخرج ليرد عليه، حيث كتب منشور على فيسبوك جاء فيه: «فيه خبر نازل فيه تلميحات بسبب أغنية «معرفش حد بالاسم ده»، يا ريت محدش يربط بين حياتي الشخصية والأغاني اللي بكتبها عشان فعلا الموضوع ده بقى بيضايقني من القريب والغريب وكل الاحترام لكل الناس».

وتابع مداعبا جمهوره: «وبالنسبة لأغنية المعنويات مرتفعة فيها جملة بتقول، مفيش خلاص حد له حاجة عندي، حبيت أوضح برضه إن دي طبعا مالهاش علاقة بالناس اللي ليهم عندي فلوس، وسنة سعيدة على الكل».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

نتيجة الثانوية العامة 2024 في موقع الجمهور، يقدم موقعنا الإخباري خدمة لكل أولياء الأمور وطلاب شهادة الصف الثالث الثانوي العام، حصريا الرابط الرسمي للحصول علي النتيجة ودرجاتك بكل سهولة من خلال خانة الاسم ورقم الجلوس ونرصد لكم تنسيق الكليات والجامعات والمعاهد لعام 2024، بالإضافة لاختبارات القدرات وكيفية التقديم عقب الإعلان عن النتائج.