تامر عاشور لـ أحمد سعد: ميختلفش عليك اتنين .. والأخير : هعيط حرام عليك

أشاد الفنان تامر عاشور، بالفنان أحمد سعد، بعد التعاون معه في حفل «ليلة الدموع»، الذي أقيم على مسرح بنش مارك في جدة يوم الخميس الماضي، مشيرًا إلى أنه من أفضل المطربين.

ونشر «عاشور» صورة لأحمد سعد من حفل جدة، عبر حسابه الرسمي بموقع التواصل الاجتماعي «إنستجرام»، وعلق: «أحمد سعد بيغني أحسن من أي حد ، وينافس ويُثابر ويبذل مجهود ويتحدى ويفرض نَفسه وذوقه وفنّه في كل مره لحد ما يوصل للي عايزه ويرضيه ، ومش أي حاجة ترضي فنان بقدرات وفن الراجل ده كل ده حصل وبجدارة وتفوق وبيحصل وهيحصل كتير».

وأضاف: «ولو اتكلمت عن أحمد سعد الجدع اللي يا ريت كل الناس تبقى عندها نيّته وقلبه الأبيض اللي ميختلفش عليه اتنين وناس كتير معاشرينه وعارفين ده.. كلامي مش هيوفّيه حقّه.. أنا بحبك وبحترمك وبحترم مشوارك ونجاحك يا صديقي فوق الوصف.. وافتخر بيك ربنا يزيدك ويبعد عنك كل شر».

View this post on Instagram

A post shared by Tamer Ashour (@tamerashourofficial)

ورد عليه «سعد»، قائلًا: «يالهوي أنا هعيط والله من الكلام الجميل ده، هحبك أكتر من كده إيه، حرام عليك أنا بقيت توب فان.. ربنا يكرمك أكتر وأكتر يا حبيبي شكرًا».

حفل «ليلة الدموع»

في ذات السياق، شارك الثنائي في حفل «ليلة الدموع»، الذي لاقى إعجاب الجمهور كثيرًا، ووصفه الكثيرين بأنها ليلة استثنائية.

وضم الحفل كلًا من أحمد سعد، تامر عاشور، حمادة هلال، هيثم شاكر، آدم، طارق الشيخ، مسلم، وقدم كل واحد منهم على حدة عددا من الأغاني الحزينة التي قدموها على مدار مشوارهم الغنائي.

وأثار اسم الحفل جدلًا كبيرًا عبر مواقع التواصل الاجتماعي، واستنكر البعض من الاسم غير المألوف، وآخرين استقبلوا الموضوع بمزاح وسخرية، كما مزح المطرب أحمد سعد مع جمهوره، ونشر بوستر الحفل عبر حسابه الرسمي بموقع التواصل الاجتماعي، وعلق: «إيه اليوم الغم ده.. وإيه الناس الحزينة ديه.. ادعولنا إن شاء الله نقدر ننكد عليكم وتروحوا زعلانين»، ليرد عليه المطرب تامر عاشور، قائلا: «يا رب يا أحمد.. أنا خايف أوي يتبسطوا».