كلنا أمانات ربنا، وصايا مهمة من الفنان تامر ضيائي قبل شهرين من وفاته

رحل عن عالمنا، اليوم الأربعاء، الفنان تامر ضيائي، حيث أعلن الخبر، الفنان محمد علي رزق من خلال حسابه الشخصي بموقع التواصل الاجتماعي «فيسبوك».

محمد علي رزق يعلن وفاة تامر ضيائي

 وعلق محمد علي رزق قائلًا، "لا حول ولا قوة إلا بالله، صديقي وأخويا الكبير عشرة عمري تامر ضيائي في ذمة الله، الله يرحمك يا تامر ويجعلك من أهل الجنة ويعوضك عن تعبك في الدنيا نسألكم قراءة الفاتحة والدعاء له بالرحمة والمغفرة" .

وسبق وتحدث تامر ضيائي عن الموت المفاجئ من خلال حسابه الشخصي بموقع التواصل الاجتماعي «فيسبوك » قبل شهرين، وحرص على ترك وصية لأشياء هامة يفعلها الناس بعد وفاته.

وصايا الفنان تامر ضيائي قبل وفاته

وكتب الفنان تامر ضيائي، يوم 12 مايو 2024، “الحقيقة اللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده، لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد”.

واستكمل ضيائي، ودي وصيتي

١) صلاة الجنازة أهم من العزاء وهي اللي كل ما العدد زاد كل ما ثوابي ما كان أكتر، فأرجوكم تصلوا عليا.

٢) مش شرط تيجي العزا، وياريت لو اتعمل في البيت أو مكان بسيط بفلوسه تطلعوا لي صدقة جارية أفضل.

٣) من فضلكم لم يثبت أو يتفق عليه عمل خاتمة قرآن للمتوفي إنها هتوصل له، بس مثبت إن الدعاء والصدقة بيوصلوا للميت، فرجاء دي بالذات بلاش وإدعوا لي الوقت اللي هتقرأوا فيه جزء، فضوا نفسكم واقعدوا إدعوا فيه. 

٤) بلاش صدقة جارية تقليدية وسهلة ومش مستفاد بيها، يعنى المصاحف كتير في مصر أوى، وكل بيت فيه كتير، فممكن نحط الفلوس في جامع بيتبنى أو كرسي متحرك في مستشفى يستفادوا به المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.

٥) دى نقطة مهمة أوي بالنسبة ليا .. محدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللي عندهم، ومفيش حاجة بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم".

٦) أهم حاجة تاني هي الدعاء وبس والصدقة.

٧) من فضلكم تكثفوا الدعاء وقت نزول القبر وتتصدقوا بأي حاجه بنية إن ربنا يجعل قبري روضة من رياض الجنة ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسوني في ليلة زي دي.

٨) الموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تاني.

٩) اللي بيحبوني يدعولى كتير عشان لو مفيش حد يدعيلي.

١٠) ودى مهمة أوي أوي أوي عاوز الكل يسامحني على أي حاجه عملتها فيه بقصد لو يدون قصد"

واختتم الراحل تامر ضيائي، اللهم إن كثر موت الفجأة من حولي و كثر موت الشباب غفلة، فيارب إن كنت أنا القادم فأحسن خاتمتي وارزقني نطق الشهادة عن الموت ويسّر طلوع روحي وهوّن عليّ سكراتي، فإني أحب أن أرحل في هدوء وسكينة وطمأنينة، ولا تقبض روحي إلا وإنت راضٍ عني لكي أكون عبدًا مقبولًا عندك، حتى أليق بلقائك العظيم وإن كان لي من العمر باقي فأغفر لي ذنوبي ومعاصي نفسي الأمّارة بالسوء وأعفو عني وأمحو لي كل ما يعرقل طريقي إليك وردّني إليك ردّاً جميلاً يا رب العالمين".

آخر أعمال تامر ضيائي

يذكر أن آخر أعمال تامر ضيائي هو مشاركته في السباق الرمضاني الماضي بمسلسل "فراولة " ، وتدور أحداث المسلسل حول قارئة الفنجان وابنة حارس العقار، لتخرج من الفقر وتصير من مشاهير السوشيال ميديا، في رحلة صعود مليئة بالمواقف الكوميدية، حتى تصبح سيدة مجتمع وخبيرة في مجال الطاقة.

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية ، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.