بسبب عدم حصوله على مستحقاته.. محمد رضا بوبو يفتح النار على «فيوتشر»

فتح محمد رضا بوبو لاعب فريق بيراميدز النار على إدارة فريقه السابق فيوتشر، بسبب عدم حصوله على مستحقاته.

وكتب بوبو عبر حسابه الرسمي على «فيس بوك»، خلاص مبقيتش قادر اصبر اكتر من كده بصراحة حته لو العواقب كتير ولو هيحصل اي المهم اهدي النار الي جوايا شويه عشان اكون حته ارتحت من جوايا وكده كده ربنا موجود وهيجبلي حقي

1-وأضاف لاعب بيراميدز «انا كنت خلصت وجالي اتصال تعالا ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي. الساعة 11 بليل الناس قبلتنى ف النادي وقالولي عامل اي يارضا عايزينك تمضي ورقتين ورقة مخالصة والاستغناء قولتلهم الاستغناء حاضر همضي مفيش مشكله امال اي الي يخليني امضي مخلصه وانا ليا4 مليون».. 200 ألف جنيه.

وتابع بوبو، ف واحد لا داعي لذكر اسمه لأنه ده ميعرفش ربنا طبعا قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس قولت مش همضي ومشيت ومضيت على الاستغناء جالي اتصال امضي وانت فلوسك عندي ومتقلقش امضي وانت وزملائك الي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه أمضي بس اتفقت مع الاتنين الي كانو معايا عشان كنا متفقين اننا هنعمل كل حاجه بالاتفاق مع بعض.

وتابع، فاقالوا هنضمي كلنا ونروح التلات ناخد الفلوس مضينا علي الورقه ومكناش مدين اي خوانه لحاجه جه يوم التلات لقينا اللعيبة كلها صحبنا الي ف الفرقه طلعلهم فلوس وكل واحد شيك ماعدا احنا التلاته والتلاته المعاريين الي مشيو من النادي اتصلت بالشخص ده قولتلوً الشيك بتاعنا امته قالي بليل ف ناس الصبح وف ناس بليل وانت بليل قولتلوً ماشي جه بليل كلمتو قالي الصبح فضلت علي الحال ده كل يوم يوم يقولنا التلات الجاي ييجي التلات يقول الأسبوع الجاي ييجي الاسبوع الجاي يتقال بكرا كمان يومين علي الحال ده ف حد مشكور طبعا بدون ذكر اسمو قالي انا بحبك وانت اخويا الصغير لو انت مفكر انك طلعلك فلوس يبقا بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس.

واستكمل، من الواضح ان مفيش فلوس جايه ولا اي حاجه على العموم حسبي الله ونعم الوكيل ف كل واحد اكل حقي وتعبي الي شقيت فيه سنتين تعبت وسفر هنا ولعبنا افريقيا وخدنا بطوله وطلعنا مركز رابع سنتين يعني الحمدالله مقصرتيش ف حاجه بس فكرت ان حد يأكل حقك ف دي صعبه عليا اوي وانا زعلان لان مشفتيش التقدير انا. اتبعت انا وصحابي وحلينا ازمه للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تأكل حقي بالطريقة دي انا عارف الكلام ده هيضايق

ناس بس دي الحقيقة انا ليا حق وعلي حق وانا عمري ماكنت بخاف من أي حاجة.

واختتم بس اذاي بتعرف تنام تحط دماغك على المخدة، وانت اكل حق وشقي واحد طلع عيونو عشان يجمع رقم ذي ده وانت عايز تاكلو عليه بكل سهوله كده انا مكلمتيش حد من الصحافيين صحابي والي اعرفهم انهم ينزل الكلام على لساني انا حقي عند ربنا وربنا هيجبهولي اضعاف وانا متأكد لأني مقصرتيش ف حاجه وربنا يعلم كده انا من جوايا ارتحت.