«كان شايل جبل على كتفه»، رسالة مؤثرة من شقيق أحمد رفعت بعد وفاته

كتب محمد رفعت شقيق النجم أحمد رفعت التي وافته المنية فجر السبت، رسالة على حسابه الرسمي على مواقع التواصل الأجتماعي.

وقال محمد رفعت عبر «فيس بوك»: «أول مرة أكتب وقلبي وعقلي مش مستوعبين اللي بكتبه أو اللي بحكيه لأن أنا النهارده فقدت روحي والله العظيم روحي وسندي وضهري أخويا وأبويا أحمد رفعت».

وأضاف: «من 17 سنة أبويا رحمة الله عليه توفى وكان عندي حوالي 12 سنة ومكنتش حاسس بأي حاجة غير إن أبويا مش هشوفه تاني وهيوحشني أوي فكنت بعيط وقدام الناس كلها بس النهارده أنا فعلا أبويا مات لأني معيطش كتير من كتر الآلم الدموع منزلتش قدام الناس لأن ضهري اتكسر وقلبي اتعور أخويا كان شايل جبل على كتفه وأنا مش حاسس بيه».

وتابع : «أنا بتمنى إن أنا اللي أكون مكانه لأني مش هعرف أعمل اللي هو كان بيعمله من حنية وخوف علينا وحكمته وصبره اللي مش عارف أفسره لحد دلوقتي الشخص ده كان راجل بمعنى الكلمة وأنا مش عارف أتكلم بس أنا مش قادر أصدق إني مش هشوفه تاني ولا هسمع صوته تاني أنا نفسي أخويا يرجع تاني يارب رجعه تاني يارب».

واختتم: «بالله عليكم لا تنسوه في دعائكم ولا في صلواتكم والله كان طيب لين سهل قريب وكان من الصالحين وخيره كتير أوي على الناس كلها إنا لله وإنا إليه راجعون اللهم أجرنا في مصيبتنا اللهم أرحمه وأغفر له وثبته عند السؤال وأجعل هذه الليلة أسعد لياليه يارب العالمين».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.