الشهادة مهمة، إعلامية تهاجم سمية الخشاب بعد تصريحات الثانوية العامة

شنت الإعلامية مروة صبري هجوما على الفنانة سمية الخشاب، وذلك بعد تصريحاتها حول الثانوية العامة والنصائح التي وجهتها إلى طلاب الثانوية العامة. 

مروة صبري تهاجم سمية الخشاب 

قالت «صبري»، في برنامجها «قعدة ستات»، معلقة: «الناس في الثانوية العامة بتبقى محتاجة تشجيع ودعم اتفاجئنا بالفنانة المحترمة سمية الخشاب في عز الخوف والرعب، والطلاب قاعدين يذاكروا والأهالي بتدفع دم قلبها على الدروس ومرعوبين على أولادهم، ونفسهم يجيبوا أعلى المجاميع، بتقولهم ولا تعليم ولا شهادة ولا نيلة اللي معاه فلوس هو اللي هيقدر يصرف على نفسه والشهادة هتعلمها قرطاس طعمية». 

وأضافت: «أنا قلت الصفحة بتاعتها اتسرقت، أكيد مفيش فنانة مصرية اسمها معروف وعملت بطولات تطلع تقول نصيحة زي دي للطلاب،  أي حد مشهور في المجتمع إحنا بنبقى واخدينه قدوة وشايفين إنه بيتكلم صح في ناس بتحبه وبتسمعه، إذا بكلمة منك ممكن تدعمي بتوع ثانوية عامة وأهاليهم وبكلمة منك ممكن تحبطي بعض الناس ولكن اعتقد أن مفيش حد ممكن يأثر فيه التصريح اللي إنتي كاتباه لأن دا تصريح ميطلعش من فنانة ولا يطلع من إنسان عايش على وجه الأرض طبيعي» . 

وتابعت: «إنك تقولي للعيال الغلابة اللي قاعدين بيذاكروا ونفسهم ينجحوا ويعملوا أحسن حاجة والأبهات اللي فلوسهم يا عيني رايحة على الدروس الخصوصية وعايز ابنه أو بنته يبقوا أحسن الناس ويحققوا أحسن النتائج ويدخلوا أحسن الكليات وتطلعي تقوليلي في الآخر، هتعملها قرطاس طعمية ولا قرطاس لب دا كلام، للأسف إني اتأكد أن الصفحة بتاعة سمية الخشاب متسرقتش وأن البوست دا هي اللي كاتباه دي من الحاجات الغريبة جدا»، واختتمت: «متسمعوش كلام سمية الخشاب الشهادة مهمة وبتحدد مصير». 

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.