ماجدة خير الله تكشف لـ«الجمهور» سبب ضعف إيرادات فيلم أهل الكهف

كشفت الناقدة الكبيرة ماجدة خير الله عن تفسيرها لضعف إيرادات فيلم «أهل الكهف» في موسم عيد الأضحى الحالي بالرغم من أن الفيلم استغرق تصويره 4 سنوات وتكلف الفيلم ميزانية ضخمة للغاية، ومع ذلك لم يحقق الفيلم النجاح المتوقع، وقد تواصل «الجمهور» مع الناقدة ماجدة خير الله لمعرفة تفسيرها حول هذا الأمر.

ماجدة خير الله تكشف سبب ضعف إيرادات فيلم أهل الكهف 

وقالت ماجدة خير الله في تصريح خاص لـ « الجمهور » معلقة: «هي مسألة توقيت، لأن توقيت نزول الفيلم سئ جدا، لأن فيلم أهل الكهف مش من نوعية الأفلام اللي تنزل في العيد سواء عيد الأضحى أو عيد الفطر، ومعاه أفلام إنتاجها ضخم جدا زي ولاد رزق، وحتى فيلم اللعب مع العيال لمحمد إمام دول أفلام تجارية ومسلية ومناسبة لموسم العيد».

وأضافت: «بالإضافة إن الفيلمين اتعملهم حملة تسويق كبيرة جدا خصوصا فيلم ولاد رزق، فطبعا أهل الكهف نزل بدون ضجيج والدعايا اللي يستحقها، والموسم مش بتاع النوعية دي من الأفلام خالص، وللأسف متعملش حساب لهذه النقاط اللي هي مالهاش علاقة بمستوى الفيلم». 

وتابعت: «حتى لو الفيلم مستواه الفني جيد جدا برضه كان هيلقى نفس المصير، لأنه مسألة الوقت مش مناسب ومفيش حملة تسويقية، واحتمال كبير إن الفيلم لو نزل على إحدى المنصات يتشاف كويس، والناس تختلف أو تتفق لأن مفيش فيلم الناس كلها بتجمع عليه وتقول إنه فيلم محصلش، وحتى لو فيه ثغرات فنية ممكن الناس تتناقش حواليها، ولكن هيتشاف كويس لما ينزل في هدوء على إحدى المنصات». 

وأوضحت: «الفيلم لو كان نزل في موسم تاني ومعاه حملة تسويقية جيدة ومناسبة لنوع الفيلم كان هيتشاف كويس، يمكن مكانش هيجيب إيرادات عظيمة، إنما كان هيتشاف كويس».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية ، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.