جيني كامل: انقذوا شيرين عبد الوهاب عشان منصحاش في يوم نعيط كلنا

تصدر اسم الفنانة شيرين عبد الوهاب، ترند موقع البحث الشهير «جوجل» خلال الساعات الماضية، وذلك بعد تصاعد أزمتها مع أسرتها، وتداول تسجيلات صوتية مسربة لزوجها السابق الفنان حسام حبيب، يتهم فيها أسرتها أنهم يستغلونها ماديًا ويسرقون أموالها وممتلكاتها.

جيني كامل تشيد بمواقف شيرين عبد الوهاب معها

وخرجت الفنانة المعتزلة جيني كامل الزوجة السابقة للملحن أمير طعيمة، عبر حسابها على موقع التواصل الاجتماعي «فيسبوك»، تشيد بالفنانة شيرين عبدالوهاب، وبمواقفها معها.

وكتبت جيني قائلة: «كلمتين حق لوجه الله، شيرين عبد الوهاب من أكثر الشخصيات اللي شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها، بل بالعكس لها أفضال على ناس كتير وبدون مقابل».

وأضافت: «هي فعلاً في أزمة وأنا مش عايزة أعرف مين سبب ولا وقت لوم للبنت، بس وبكل أمانة أنا قعدت مع أمها وأختها وأخوها وما شوفتش منهم غير أنهم ناس طيبين وعايزينها مبسوطة، وعند نفس رأيي اللي يشوف مراته حالتها الصحية والفنية بتدهور كده يبقي سبب لأنه كان لازم يكون له دور لإنه ولي آمرها، حتي بالعافية وخصوصا إنها بتحبه وأكيد كانت هتسمع كلامه».

تابعت: «أنا شايفة ناس نطت من المركب والبنت بتغرق، بدل ما نشد أيد بعض أحنا مصممين نغرق بعض، في المواقف دي أنا ما بستأذنش حد أساعده أنا بروح علي طول، لكن للأسف أنا لا عارفة هي فين ومع مين، في الآخر البنت دي موهبة كبيرة وقبل الموهبة هي إنسانة، أقفوا جنبها ولو في حد منقذ يتدخل بأيده بقي بعقل بفلوس بنفوذ بسلطة يخش يخلص، ده اللي أنا بفهمه، حد يخش يخلص أو هنصحي يوم نعيط بس كلنا».

تامر عاشور يدافع عن أهل شيرين عبد الوهاب

ومن جانبه، علق المطرب تامر عاشور، ببوست أكد أن الكلام الذي يتضمنه التسريبات الصوتية لـ حسام حبيب كذب، وليس لها أساس من الصحة وأن شيرين عبد الوهاب منعزلة عن أسرتها خلال الـ3 سنوات الماضية.

وأوضح تامر عاشور من خلال صفحته الرسمية على موقع «X - تويتر سابقًا»، قائلًا: «كل اللي أقدر أقوله في موضوع شيرين عبد الوهاب، أن مفيش كلمة واحدة بس من اللي اتقالت وانتشرت صح أنا قريب من أهل شيرين ووالدتها وأخوها».

وتابع: «أنا برضه أقولها إني بحبها وكل الدنيا بتحبها وتحب فنها، أهل شيرين مظهروش ف حياتها آخر سنتين تلاتة، أهل شيرين هم أهل شيرين من زمان، كل نجاحات شيرين كانت وسط أهلها وناسها اللي يشيلوها من ع الأرض شيل».

وأضاف: «يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها 'إنت بمن حولك'، لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهولة».

واختتم تامر عاشور حديثه عن شيرين قائلًا: «أنا كلت عيش وملح ف بيتها وف بيت أمها وأخوها، وكان لازم أقول الكلام ده علشان الكلام ده هو الكلام الحقيقي ولا كلمى من اللي اتقالت واتسمعت ليها أساس من الصحة، أهل شيرين هم هم أهل شيرين من زمان قوي، بالعقل».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.